Հարավային Օսիայի նախագահը ցրել է կառավարությունը

12:07 • 20.01.14

Հարավային Օսիայի նախագահ Լեոնիդ Տիբիլովը երկուշաբթի խորհրդակցությանը հայտնել է կառավարությունը ցրելու մասին:

 

Ըստ Interfax-ի` իր որոշումը նա բացատրել է նախարարների կաբինետի ոչ բավարար աշխատանքով:

Տիբիլովը նշել է, որ մեկուկես տարում կառավարությունը չի կարողացել կատարել իր առջև դրված առաջադրանքները, որոնք կապված են վերականգնման գործընթացի և պետության սոցիալ-տնտեսական զարգացման հետ, ինչպես նաև` «չի կարողացել կոնսոլիդացվել»:

 

Այժմ կառավարության ղեկավարի ժամանակավոր պաշտոնակատար է նշանակվել Դոմենտի Կուլումբեգովը, որը զբաղեցնում էր առաջին փոխվարչապետի պաշտոնը: