Լենինի մահվան օրը Ժիրինովսկին առաջարկել է հուղարկավորել նրան
Ռուսաստանցի քաղաքական գործիչ Վլադիմիր Ժիրինովսկին հանդես է եկել առաջարկով` վերացնել Մոսկվայի Կարմիր հրապարակի գերեզմանավայրերը և մասնավորապես դամբարանից հանել Վլադիմիր Լենինի մարմինը, հայտնում է Interfax-ը:
Ժիրինովսկին հայտարարությունն արել է Լենինի մահվան օրվա առիթով, որն այսօր է։
Սկանդալային գործիչն առաջարկել է որպես վերահուղարկավորման վայր նկատի ունենալ Միտիշչենսկոյե գերեզմանատունը:
Ժիրինովսկին նկատել է, որ այնտեղ բոլորը կտեղավորվեն, իսկ տարածքը կհերիքի դեռ 50 տարի էլ հուղարկավորություններ անելու համար:










