Օլանդը հայտարարել է, որ Ելիսեյան պալատում էլ ոչ մի առաջին տիկին չի լինի
Ֆրանսիայի նախագահ Ֆրանսուա Օլանդը, ով վերջերս հայտնվել էր սիրային սկանդայի կենտրոնում, Նիդեռլանդներ կատարած այցի ժամանակ լրագրողներին տեղեկացրել է, որ ապագայում երկրի ղեկավարի պաշտոնական նստավայր Ելիսեյան պալատում էլ ոչ մի առաջին տիկին չի լինի։

Ինչպես նշում է Daily Mail-ը, նախագահի խորհրդատուները նրան քաջալերել են 48-ամյա քաղաքացիական կնոջից՝ Վալերի Տրիերվեյլերից բաժանվելու և ամուրու կյանք վարելու հարցում։

Օլանդին մոտ կանգնած աղբյուրները ևս փաստել են, որ զույգի հարաբերություններն ավարտված են։ Հաղորդվում է, որ նախագահը Տրիերվեյլերի կարգավիճակի վերաբերյալ պաշտոնական հայտարարությամբ հանդես կգա մինչև փետրվար։
Հիշեցնենք, որ Օլանդի շուրջ սկանդալը ծագել էր, երբ ֆրանսիական Closer ամսագիրը հրապարակել էր լուսանկարներ, որոնցում նախագահը գիշերով այցելում է իր 41-ամյա սիրուհուն՝ մասնագիտությամբ դերասանուհի Ժյուլի Գայեին։












