Հալեպում հայ է զոհվել
Հալեպի Ջդեյդե շրջանում երեկ հրասանդի արկի պայթյունի հետևանքով հայ է զոհվել։
Ինչպես տեղեկացնում է Բերիո հայոց թեմի առաջնորդարանի «Գանձասար» թերթի ֆեյսբուքյան էջը, հայ համայնքի հերթական զոհը 1960թ.-ին ծնված Ասատուր Տիգրանյանն է։
Ասատուրի հուղարկավորության արարողությունը տեղի է ունենալու այսօր՝ Հալեպի Սուրբ Աստվածածին եկեղեցուց։
«Բերիո լուրերի» ֆեյսբուքյան էջն իր հերթին տեղեկացնում է, որ Հալեպում այսօր մի քանի ժամով վերականգնվել է էներգամատակարարումը։
Վերջին 4 օրերի ընթացքում Հալեպում հերթական անգամ անջատված էր էներգամատակարարումը, և քաղաքը խավարի մեջ էր։










