Ադրբեջանի «գլխավոր» գեյն ինքնասպան է եղել Բաքվում. ծնողները փորձել էին «բուժել» նրան
Ադրբեջանի սեռական փոքրամասնությունների առաջնորդ, 23-ամյա Իսա Շահմարլըն ինքնասպան է եղել Բաքվում։ Հայտնի է, որ 1 տարի առաջ ծնողները նրան վռնդել են տնից, ինչպես նաև փորձել են «բուժել» միասեռական լինելուց, հայտնում է bbcazeri.com-ը։
Կախվելուց առաջ ադրբեջանցին Facebook սոցկայքի իր էջում հրաժեշտի հաղորդագրություն է թողել, որում գրել է հետևյալ տողերը.«Ես հեռանում եմ։ Այս երկիրն ու այս աշխարհն ինձ համար չեն։ Դուք բոլորդ մեղավոր եք իմ մահվան համար»։
Ինչպես հայտնում է haqqin.az կայքը, նախորդ տարի նա կայքերից մեկին տված հարցազրույցում պատմել էր, թե իր սեռական կողմնորոշման պատճառով բազմաթիվ խնդիրների է բախվում թե տանը, թե համալսարանում։










