Բեռլուսկոնին տուն է փնտրում՝ տնային կալանքն անցկացնելու համար
Իտալիայի նախկին վարչապետ Սիլվիո Բեռլուսկոնին, կարծես, ընտրել է իր պատիժը կրելու տեսակը, գրում է «Комсомольская правда»-ն։
Նա տուն է փնտրում Հռոմում, որտեղ կկարողանա կրել պատիժը։
Բեռլուսկոնին հիշեցրել է Իտալիայի բոլոր «տարեց ավազակներին», որ նրանց թույլատրվում է բանտում չանցկացնել պատիժը և տրված է ընտրություն՝ ինքնուրույն ընտրել պատժամիջոցը։ Առավել հաճախ նրանք ընտրում են տնային կալանքը կամ հասարակական օգտակար աշխատանքները։
Ըստ լրատվամիջոցների՝ Բեռլուսկոնիի ընկերուհին՝ Ֆրանչեսկա Պասկալեն, նոր տուն է փնտրում։ Նա հատկապես ուշադիր է ուսումնասիրել մոտ 1500 քմ տարածքով առանձնատունը՝ Տրևի շատրվանից ոչ հեռո։
Բեռլուսկոնիի` պատժամիջոց կրելու մասին վերջնական որոշում կկայացվի ապրիլին՝ հաշվի առնելով դատապարտվածի ցանկությունը։










