ՀՀԿ ԳՄ նիստում Քոչարյան-Սարգսյան հեռակա բանավեճին անդրադարձ չի եղել. Է. Շարմազանով

22:50 • 23.01.14

ՀՀԿ Գործադիր մարմնի նիստում ՀՀ երկրորդ Նախագահ Ռոբերտ Քոչարյանի և վարչապետ Տիգրան Սարգսյանի հեռակա բանավեճին անդրադարձ չի եղել: Այս մասին այսօր նիստից հետո լրագրողներին ասաց Ազգային ժողովի փոխնախագահ, ՀՀԿ խոսնակ Էդուարդ Շարմազանովը:

 

«Պարոն Նախագահի մամուլի խոսնակի հայտարարության մեջ այդ մասին ամեն ինչ շատ հստակ ասվել է, իսկ նիստում Քոչարյան-Սարգսյան հեռակա բանավեճին անդրադարձ չի եղել»,-ասաց նա:


Նա նաև նշեց, որ ինքը երկորդ և առաջին նախագահների ծրագրերից տեղյակ չէ:


«Մեր առջև ծառացած են շատ կարևոր խնդիրներ, ՀՀԿ-ն համախմբված է իր ծրագրերի, իր գաղափարախոսության շուրջ»,-ընդգծեց Էդուրադ Շարմազանովը:

 

Ներկայացնելով նիստի մանրամասները՝ ՀՀԿ խոսնակը շարունակեց.
«Մենք լսեցինք, քննարկեցինք կուսակցական կառույցների հաշվետվությունները: Ներկայացվեց նաև, որ այս տարի մի շարք համայնքներում ընտրություններ կլինեն, ՀՀԿ-ն կառաջադրի թեկնածուներ»: