Apple-ը մեծ էկրանով iPhone-ներ կթողարկի 2014-ի երկրորդ կեսին. Wall Street Journal

Apple ընկերությունը հնարավոր է մեծ էկրանով iPhone-ի 2 մոդել թողարկի 2014-ի երկրորդ կեսին, հայտնում է The Wall Street Journal-ը` վկայակոչելով իր աղբյուրը:

Ըստ այդմ` մոդելներից մեկը կունենա ավելի քան 4,5 մատնաչափ անկյունագծով էկրան, երկրորդ iPhone-ը՝ ավելի քան 5 մատնաչափ անկյունագծով էկրան:

Ներկա դրությամբ Apple-ի ամենամեծ էկրանով սմարթֆոնը iPhone 5-ն է՝ 4 մատնաչափ անկյունագծով:

iPhone-ի 2 նոր մոդելների էկրանները կոր չեն լինի: Apple-ը մեկնաբանություններից հրաժարվել է: