Մութ էներգիային կհետևեն գերսառեցված տեսախցիկներով

Ֆերմի լաբորատորիայի գիտնականներն սկսել են մութ էներգիայի հետքերի որոնման համար նախատեսված հեռադիտակի խցիկի պատրաստման աշխատանքները: Այս մասին հաղորդում է Лента.ru-ն:

Դետեկտորները տեղադրվել են աշխատանքի համար նախատեսված հեռադիտակի վրա, որոնք, ի տարբերություն ավանդական CCD սենսորների, կաշխատեն ֆիզիկական այլ սկզբունքներով:

Նոր տեսախցիկը կպատրաստվի նոր տեսակի սենսորային տարրերի և կինետիկ ինդուկցիայի միկրոալիքային դետեկտորների (MKID) հիման վրա:

Խցիկ մուտք գործած ֆոտոնները ոչնչացնում են գերհաղորդիչ սենսորի նյութական ցուցիչներում առկա կուպերյան զույգերը:
Ի տարբերություն CCD սենսորների, որոնց աշխատանքը պահանջում է պրիզմայական զտիչների առկայություն, MKID-ի դետեկտորներում ֆոտոնի էներգիան չափվում է ուղղակիորեն:

Այդ առավելությունը նրանց դարձնում է ավելի զգայուն և արտանետումների սպեկտորի մասին ավելի լայն ինֆորմացիա է տալիս:
MKID-ի դետեկտորները ստեղծել են Կալիֆորնիայի համալսարանում՝ 2003թ.-ին:

Մի շարք հետազոտական կենտրոնների գիտնականներ մինչ այսոր փորձում են MKID-ի հիման վրա հեռադիտակի «իդեալական» խցիկներ ստեղծել:

Աստղադիտական դիտարկումների տեսակետից MKID դետեկտորները միայն մի թերություն ունեն՝ 0,3 կելվինի ցուցանիշից ոչ պակս գերսառեցում են պահանջում: