Ռուսաստանի 19 տարածաշրջաններում անբարենպաստ եղանակի պատճառով հատուկ պատրասվածության ռեժիմ է հայտարարվել
Ռուսաստանում անբարենպաստ եղանակի պատճառով հատուկ պատրասվածության ռեժիմ է հայտարարվել: Այս մասին հաղորդում է Интерфакс-ը՝ ՌԴ արտակարգ իրավիճակների նախարարությանը հղումով:
«Հաշվի առնելով եղանակային անբարենպաստ պայմանները՝ մենք ռուսական ահազանգման համակարգի, կառավարական զորքերի և արտակարգ իրավիճակներով զբաղվող (ՌԱԻՆ) գրասենյակի հետ համատեղ ՌԴ 19 շրջաններում հատուկ պատրաստվածության ռեժիմ ենք սահմանել»,- հայտարարել է ՌԴ արտակարգ իրավիճակների նախարար Վլադիմիր Պուչկովը:
Նա նաև հայտնել է, որ հատուկ հսկողության տակ կգտնվեն հասարակության անվտանգության հետ կապված խնդիրներին առնչվող միջոցառումները, ինչպես նաև՝ հասարակական շինությունների կայուն գործունեությունն ապահովող ենթակառուցվածքները:
Պուչկովը նաև նշել է, որ որոշ շրջանների համար եղանակային կանխատեսումներն անբարենպաստ են մնում։










