Գնդապետ Մյաու. սատկել է աշխարհի ամենաերկար մորթով կատուն (լուսանկարներ, տեսանյութեր)
Լոս Անջելեսում սատկել է Գինեսի ռեկորդների գրքում պաշտոնապես գրանցված Գնդապետ Մյաու մականունով կատուն, որն ուներ աշխարհում ամենաերկար մորթին։
Ինչպես նշում է Взгляд-ը, կատվի տիրուհին հայտնել է, որ Գնդապետը եղել է 2 տարեկան, 3 ամսական, իսկ սատկելու պատճառ են դարձել սրտի հետ կապված խնդիրները։
Նրան բուժելու համար դրամահավաք է սկսվել. ընդամենը 6 ժամում հավաքվել է 15.000 դոլար։ Սակայն դա չի օգնել Գնդապետին։
Չորքոտանին Գինեսի ռեկորդների գրքում հայտնվել է 2013թ. սեպտեմբերին։ Նրա մորթու երկարությունը հասնում էր 23 սմ-ի։ Բացի այդ, կատվի տեսքին հավելյալ գրավչություն էր հաղորդում մորթու յուրահատուկ գույնը։














