Շումախերը բացել է աչքերը

13:07 • 31.01.14

«Ֆորմուլա-1»-ի ամենահայտնի ավտոարշավորդներից Միխայել Շումախերը, ով Ֆրանսիայի դահուկային հանգստավայրերից մեկում սահելիս գանգուղեղային լուրջ վնասվածք էր ստացել, հատուկ նյարդաբանական թեստերի ընթացքում մի քանի անգամ բացել-փակել է աչքերը։

 

Ինչպես հայտնում է ntv.ru-ն, մարզիկի մենեջերն իր հերթին հաստատել է, որ Շումախերին արդեն աստիճանաբար դուրս են բերում արհեստական կոմայի վիճակից։

 

Գրենոբլի հիվանդանոցում, որտեղ այժմ գտնվում է ավտոարշավորդը, տեղի ունեցածն անվանում են իրական հրաշք, սակայն ամեն դեպքում բժիշկներն ապաքինման որևէ երաշխիք չեն տալիս։

 

Անգամ, եթե Շումախերի վերականգնումը բարեհաջող ընթանա, այն կարող է տևել 1 տարի։ Եթե մարզիկը կարողանա ապագայում ինքնուրույն քայլել, ուտել, հագնվել, ապա նյարդաբանների համար դա արդեն իսկ հաղթանակ կլինի։