ԱՄՆ միջուկային ուժերի մոտ 100 սպաներ արտագրել են քննությունների ժամանակ
Ավելի քան 92 սպաներ, ովքեր սպասարկում էին ԱՄՆ միջմայրցամաքային միջուկային հրթիռները, դարձել են որակավորման քննությունների ժամանակ արտագրության հետ կապված սկանդալի մասնակից: Այս մասին հաղորդում է Риа Новости-ն՝ հղում կատարելով ԱՄՆ ռազմաօդային ուժերի նախարար Դեբորա Լի Ջեյմսին:
Նախարարը նշել է, որ հետաքննություն է ընթանում, և իրենց հաջողվել է հայտնաբերել 92 մարդու, ովքեր այս կամ այն կերպ կապված են այդ գործի հետ:
Ավելի վաղ հաղորդվում էր, որ քննությունների ժամանակ խարդախություն է կատարել 34 սպա: Արտագրությունն ԱՄՆ զինված ուժերում խստորեն պատժվում է և կարող է դառնալ աշխատանքից հեռացվելու պատճառ:










