ԵԱՀԿ Մինսկի խմբի համանախագահները ժամանել են Ադրբեջան

09:52 • 03.02.14

Լեռնային Ղարաբաղի հակամարտության կարգավորմամբ զբաղվող ԵԱՀԿ Մինսկի խմբի համանախագահները ժամանել են Ադրբեջան, հայտնում է APA-ն:

 

Փետրվարի 2-ին Բաքու են ժամանել ֆրանսիացի համանախագահ Ժակ Ֆորը, ԱՄՆ-ից ՄԽ-ի համանախագահ Ջեյմս Ուորլիքը:

 

Այսօր սպասվում են համանախագահների հանդիպումներն Ադրբեջանի նախագահի և արտգործնախարարի հետ:

Բաքվից հետո Ֆորն ու Ուորլիքը կայցելեն Հայաստան:

 

Հունվարի 23-24-ին Փարիզում կայացել էր Հայաստանի և Ադրբեջանի արտգործնախարարների հանդիպումը: Դրանից հետո միջնորդները հայտարարել էին կողմերի` խաղաղ կարգավորմանն ուղղված ջանքերը շարունակելու վճռականության մասին: