2013-ին մոտ 1.9 մլն մարդ է այցելել աշխարհի ամենաբարձր շենքը Դուբայում
2013-ին Դուբայի Բուրջ Խալիֆա երկնաքեր, որն աշխարհի ամենաբարձր շենքն է համարվում, այցելել է 1.87 մլն մարդ, հայտնում է Emirates 24/7 պարբերականը՝ հղում անելով Emaar Properties շինարարական ընկերությանը։
Ինչպես փոխանցում է РИА Новости-ն, 124-րդ հարկում գտնվող At the Top հարթակում այցելուների թիվն աճել է 13%-ով՝ 2012թ. համեմատ։
Այցելուների կեսից ավելին զբոսաշրջիկներ են։ Գերմանիայի քաղաքացիները 23% են, Մեծ Բրիտանիայի բնակիչները՝ 15%, Ռուսաստանից և Հնդկաստանից զբոսաշրջիկները՝ 11-ական տոկոս։
Բուրջ Խալիֆայի բարձրությունը 830 մ է։ Շինարարությունը տևել է ավելի քան 5 տարի, այն ավարտվել է 2010-ին։ Շենքում կա հյուրանոց, ռեստորան և բնակարաններ։










