Նացիստական ռեժիմի կողմից հրեաների սպանությունը ողբերգական ու դաժան երևույթ էր. Իրանի ԱԳ նախարար

12:20 • 04.02.14

Իրանի իշխանությունները, որոնք այժմ փորձում են բարելավել հարաբերություններն Արևմուտքի հետ, փոխել են իրենց դիրքորոշումը Երկրորդ աշխարհամարտի տարիներին տեղի ունեցած Հոլոքոստի վերաբերյալ, գրում է Al Arabiya-ն։

 

Մասնավորապես, Իրանի արտաքին քաղաքական գերատեսչության ղեկավար Մոհամմադ Ջավադ Զարիֆը Մյունխենում ընթացող Միջազգային անվտանգության համաժողովի շրջանակներում հայտարարել է, որ նացիստական ռեժիմի կողմից հրեաների սպանությունը «ողբերգական ու դաժան երևույթ էր, որն ապագայում չպետք է կրկնվի»։

 

Պաշտոնյան ընդգծել է, որ իրենք հրեաների դեմ ոչինչ չունեն, սակայն միևնույն ժամանակ Զարիֆը հիշեցրել է, որ անցած 60 տարվա ընթացքում Իսրայելը ոտնահարել է պաղեստինցիների իրավունքները։

 

Նախքան այս իրանցի բարձրաստիճան պաշտոնյաները, անդրադառնալով Հոլոքոստի թեմային, այն բնութագրել են որպես «միֆ»։