Ֆրանսիան գրավի դիմաց ազատ է արձակել վրացի նախկին նախարարին

09:43 • 04.02.14

Ֆրանսիական Էկս ան Պրովանս քաղաքի դատարանը մինչև փետրվարի 27-ը գրավի դիմաց ազատ է արձակել Վրաստանի պաշտպանության նախկին նախարար (2006-2008թթ) Դավիթ Կեզերաշվիլիին, տեղեկացնում է korrespondent.net-ը։

 

Ամսվա վերջին նախկին պաշտոնյային Վրաստան արտահանձնելու վերաբերյալ որոշում պետք է կայացվի։

 

Ինչպես հայտնի է, Դավիթ Կեզերաշվիլին նաև գլխավորել է ֆինանսական ոստիկանությունը։

 

Միխեիլ Սաակաշվիլիի նախագահության տարիներին նախարար աշխատած Կեզերաշվիլիին կասկածում են փողերի լվացման, անօրինական գործարքների և 12 մլն դոլար կաշառք ստանալու համար՝ երկիր մաքսանենգ ճանապարհով ալկոհոլ ներմուծելու դիմաց։

 

Նախկին պաշտոնյան Ֆրանսիայում ձերբակալվել է անցյալ տարվա հոկտեմբերի կեսերին։