Նախապատմական կենդանիները սատկել են հրաբխի պատճառով. հետազոտություն

Գիտնականները լուծել են քարացած բրածո կենդանիների հանելուկը, որոնց զգալի քանակություն էր հայտնաբերվել Չինաստանի հյուսիսում` համեմատաբար փոքր տարածքում, հայտնում է BBC-ն:

Nature Communications գիտական հանդեսում հրապարակված հետազոտության տվյալներով՝ նախապատմական ժամանակներում այս շրջանում հրաբխի զանգվածային ժայթքում է տեղի ունեցել:

Այդ աղետը նման է եղել այն հրաբխի ժայթքմանը, որը կործանել էր Պոմպեյ քաղաքի բնակիչներին: Սակայն սա տեղի է ունեցել անհամեմատ ավելի վաղ` 120 մլն տարի առաջ:

Նշված շրջանում անցկացված պեղումներով գիտնականները դինոզավրերի, նախապատմական կաթնասունների, թռչունների ու միջատների` լավ պահպանված մնացորդներ են հայտնաբերել: