Սիրիայում գործող իսլամիստական խմբավորումները զինադադար են կնքել

17:40 • 06.02.14

Սիրիայում կռվող իսլամիստական խմբավորումները զինադադար են կնքել։ Մարտերը դադարեցնելու շուրջ պայմանավորվել են «Իրաքի և Լևանտեի իսլամական պետություն» խմբավորումից ջիհադի կողմնակիցներն ու ծայրահեղ իսլամիստները «Սուկուր աշ Շամ» խմբից, գրում է Russia Today-ը։

 

Այդ մասին հայտնում է Լոնդոնում տեղակայված Սիրիայում մարդու իրավունքների հարցով դիտորդական խորհուրդը։

 

«Պայմանագրում կոչ է արվում անհապաղ դադարեցնել կողմերի միջև մարտերն ու ցանկացած հարձակում միմյանց վրա»,- նշվում է խորհրդի հաղորդագրությունում։

 

Միևնույն ժամանակ, «Սիրիացի հեղափոխականների ճակատից» իսլամիստ գրոհայինների մեկ այլ խմբավորում հայտարարել է, որ կշարունակի գործողությունները։