Կիևում «եվրոմայդանի հանդերձանքով» մարդիկ կողոպտել և ծաղրել են բարեգործական կազմակերպության երկու ներկայացուցչի
Կիևում անհայտ անձինք «եվրոմայդանի պահապանների» հանդերձանքով թալանել են բարեգործական հիմնադրամի ներկայացուցիչ աղջիկների։ Նրանցից մեկին կիսամերկ անցկացրել են Անկախության հրապարակով. տեղեկացնում է gazeta.ru-ն` Ուկրաինայի ոստիկանության հղումով։
Ոստիկանություն դիմած աղջիկները հաղորդել են, որ անհայտ անձինք, որոնք ներկայացել են որպես «եվրոմայդանի պահապաններ» իրենց տարել են Ուկրաինայի արհմիությունների տուն, վերցրել են գումարով արկղը, փաստաթղթեր և անձնական իրեր։
Դրանից հետո աղջիկներից մեկին ուժով նետել են ստորգետնյա անցումը, իսկ մյուսին մարմնական վնասվածքներ են հասցրել, պատռել են հագուստը, ծաղրել, ապա կիսամերկ անցկացրել են մայդանով և վիրավորական արտահայտություններ բղավել։
Ոստիկանությունը չի հստակեցնում, թե կոնկրետ երբ է տեղի ունեցել միջադեպը։










