Յանուկովիչը Բան Կի Մունին խոստացել է թույլ չտալ Ուկրաինայում իրավիճակի լարում
Ուկրաինայի նախագահ Վիկտոր Յանուկովիչը Սոչիում հանդիպել է ՄԱԿ-ի գլխավոր քարտուղար Բան Կի Մունի հետ, տեղեկացնում է gazeta.ru-ն՝ Ուկրաինայի նախագահի կայքին հղումով։
Նախագահը նշել է, որ ուկրաինական իշխանությունները «ջանք չեն խնայի երկրում տիրող իրավիճակի լարում թույլ չտալու համար»։
«Ես կիսում եմ կոչերը՝ հետագա լարվածությունից և բռնությունից խուսափելու նպատակով զսպվածություն ցուցաբերելու և կառուցողական երկխոսության վերաբերյալ»,-հայտարարել է Յանուկովիչը։
Նշվում է, որ Վիկտոր Յանուկովիչն ու Բան Կի Մունը քննարկել են իրավիճակն Ուկրաինայում և ՄԱԿ-ի հետ հետագա համագործակցությանն առնչվող հարցեր։










