Հնդիկներն աշխարհին են ներկայացրել Bajaj RE60 «ամենաէժան» ավտոմեքենան (լուսանկարներ)

Հնդիկներն աշխարհին են ներկայացրել Bajaj RE60 ավտոմեքենան, որը ստեղծվել է ֆրանսիական Renault և ճապոնական Nissan ընկերությունների աջակցությամբ։ Մեքենան արժե ընդամենը 2.200 դոլար։ Մինչ այժմ աշխարհի ամենաէժան ավտոմեքենան էր համարվում Tata Nano-ն. այն կարելի էր գնել մոտավորապես 2.800 դոլարով, գրում է Обозреватель-ը։

Նոր ամենաէժան մեքենան իրենից ներկայացնում է Հնդկաստանում հայտնի ավտոմեքենայի և մոտոցիկլետի հիբրիդ։ Մեքենան ունի 4 անիվ և դրանում նույնիսկ 4 տեղ կա։

Bajaj RE60-ն ունի 1.3 մ լայնություն, 2.75 մ երկարություն, 1.65 մ բարձրություն, իսկ կշռում է այն 400 կգ։ 100 կմ-ի համար պահանջվում է մոտ 2.8 լ բենզին։