Զուգընկերների հասակը՝ ռոմանտիկ հարաբերությունների գլխավոր դերակատար

Հյուսիսային Տեխասի՝ Ռայսի համալսարանի գիտնականները եկել են հետաքրքիր եզրահանգման, որ զուգընկերների հասակը ազդում է նրանց ներդաշնակ հարաբերությունների վրա: Այս մասին հաղորդում է Росбалт.ru-ն՝ հղում կատարելով Informing-ին:

Հետազոտության ընթացքում գիտնականները հարցում են անցկացրել 455 տղամարդկանց և 470 կանանց հետ: Ինչպես բոլոր ժամանակներում, ժամանակակից կանայք ևս նախընտրում են բարձրահասակ տղամարդկանց:

Գեղեցիկ սեռի ներկայացուցիչները խոստովանել են, որ անհարմար և անվստահ են զգում իրենց, երբ սիրելի տղամարդուն վերևից են նայում: Նրանց կարծիքով գրկախառնությունները ևս այդքան էլ գրավիչ չեն ստացվում:

Կանանց 50 տոկոսը իրենց ապագա զուգընկերոջը բարձրահասակ և ամրակազմ են պատկերացնում:

Հետաքրքիրն այն է, որ տղամարդկանց այդքան էլ չի հետաքրքրել աղջիկների հասակը: