Գիտնականները բացահայտել են Opportunity մարսագնացի կողքին հայտնված տարօրինակ քարի գաղտնիքը (լուսանկար)

10:13 • 15.02.14

Հետազոտողները բացահայտել են Opportunity մարսագնացի կողքին հայտնված տարօրինակ քարի գաղտնիքը, հայտնում է «ՌԻԱ Նովոստի» գործակալությունը՝ Ամերիկայի օդատիեզերական գործակալության (ՆԱՍԱ) կայքին հղումով։

Հունվարի կեսերին մարսագնացի կողքին «հյուր» էր հայտնվել՝ լավ նկատելի քար, որը չէր եղել առաքելություն իրականացնող սարքի ավելի վաղ արած լուսանկարներում, իսկ հետո հանկարծ հայտնվել էր տեսանելի վայրում։ Դա մեծ իրարանցում էր առաջացրել լրատվամիջոցներում։

Գիտնական Ռեյ Արվիդսոնի խոսքով՝ հիմնվելով ուսումնասիրությունների վրա՝ մարսագնացի արած լուսանկարներում տեսանելի քարը կտոր է ավելի մեծ քարից, որի վրայով անցել է մարսագնացը։