Լուսանկարներ, որոնք պատկերում են Կալիֆորնիայի անապատացման վտանգը. Business Insider

22:53 • 28.02.14

Կալիֆորնիայի մի շարք շրջանների համար 2013-ը պատմության մեջ գրանցված ամենաչոր տարին էր: Նույն եղանակային պայմանները շարունակվում են նաև 2014-ին, ինչն ստիպել է պետական մարմիններին այս տարվա հունվարին նահանգում երաշտի արտակարգ դրություն հայտարարել:

Ինչպես ներկայացնում է Business Insider-ը`պետական պաշտոնյաների հաղորդմամբ` նահանգի ձյան ծածկույթը, որն ապահովում է քաղաքներում և ագարակներում օգտագործվող ջրի մեկ երրորդը հալոցքից հետո, տարվա այս շրջանում կազմել է նորմալ քանակի 20 տոկոսը միայն:

Կալիֆորնիայի անապատացման վտանգն ու խիստ եղանակային փոփոխությունները ցույց տալու համար Business Insider-ը ներկայացրել է համեմատական լուսանկարների շարք։