Գլոբալ տաքացումները հանգեցնում են մալարիայի տարածմանը Աֆրիկայի նոր տարածաշրջաններում

Աֆրիկայի մի շարք նոր տարածաշրջաններ, որոնք նախկինում անվտանգ էին համարվում, գլոբալ տաքացումների արդյունքում զերծ չեն մնա մալարիայի տարածումից: Այս մասին հաղորդում է ИТАР-ТАСС-ը:

Խոսքն Աֆրիկայի միջլեռնային հատվածների մասին է, մասնավորապես` Եթովպիայի, ինչպես նաև` ծովի մակերևույթից 1600-2400 մետր բարձրության վրա գտնվող տարածքների ուղիղ կեսի:

Ամերիկայի Միչիգանի համալսարանի պրոֆեսոր Մերսեդես Պասկուալը գտնում է, որ միջին օրական ջերմաստիճանի բարձրացման հետևանքով լեռնային բարձրավանդակում բնակվող մարդկանց համար մեծանում է մալարիայով վարակման ռիսկային գործոնը: