Քաղցկեղով հիվանդ տարեց անգլիացի կանանց զրկել են հասանելիք բուժօգնությունից

Մեծ Բրիտանիայում քաղցկեղով հիվանդ տարեցների մեծամասնությունը չի ստանում համապատասխան բուժօգնություն: Այս մասին հաղորդում է Russia Today-ը՝ հղում կատարելով The Australian-ին:

Մասնավորապես՝ տարեց կանանց համար նախատեսված քիմիաթերապիայի կուրսերը կրճատում են, իսկ տարեց տղամարդկանց երբեմն չեն էլ նշանակում համապատասխան բուժումներ:

Միացյալ Թագավորության Բելֆեստի թագավորական համալսարանի պրոֆեսոր Մարկ Լոուրելի խոսքով՝ Մեծ Բրիտանիային անհրաժեշտ է արմատապես փոխել քաղցկեղի բուժման մոտեցումը. նշանակված բուժումը չպիտի կրի ավելի ցածր ինտենսիվության՝ կախված հիվանդի տարիքից:

Պրոֆեսոր Լոուրելը նշել է, որ բուժման սկզբունքների փոփոխումը՝ կախված հիվանդների տարիքից, հիասթափություն է առաջացնում նրանց մոտ: