Աստղագետներն առաջին անգամ Վեներայի վրա «ծիածան» են ֆիքսել (լուսանկար)

10:48 • 12.03.14

Եվրոպական տիեզերական գործակալության մասնագետներն առաջին անգամ Վեներա մոլորակի վրա լուսանկարել են հազվագյուտ օպտիկական երևույթ, որն իրենից ներկայացնում է ծիածանի կիսաշրջանակներ։

Ինչպես նշում է Взгляд-ը դրանք առաջանում են մթնոլորտում արևի լույսի բեկման շնորհիվ։ Գործակալության տվյալներով՝ սա ծիածանի առաջին արտամոլորակային երևույթն է, որը ֆիքսվել է տեսախցիկով։ Այն կարող է օգնել աստղագետներին ավելի լավ իմանալ Վեներայի մթնոլորտային քիմիական բաղադրությունը։

Ծիածանային կիսաշրջանակները լուսանկարվել են EKA սարքով, որը գտնվում է Արևի և Վեներայի միջև։