Թե ինչու են կանայք գիրանում ամուսնությունից հետո

Ավսրալիայի Ֆլինդերս համալսարանի գիտնականները պարզել են, որ ամուսնությունից հետո կանանց մոտ ավելանում է մարմնի քաշը: Այս մասին հաղորդում է Газета.ru-ն:

Ուսումնասիրելով վերջերս ամուսնացած 350 ավստրալացի զույգերի՝ գիտնականները հաշվարկել են, որ երիտասարդ կանայք ամուսնության առաջին վեց ամիսների ընթացքում միջինը՝ 2.1 կգ քաշ են ավելացնում:

Աղջիկների մեծ մասը հարսանիքից առաջ հետևողականորեն նիհարում է՝ դիետաներ պահելով: Նրանք այդ քայլին են գնում հիմնականում հարսանյաց զգեստի պատճառով, որպեսզի հարսանեկան լուսանկարները գեղեցիկ լինեն:

Երբ հարսանիքն արդեն հիշողություն է դառնում, նրանք այլևս դրա անհրաժեշտությունը չեն տեսնում և հանգիստ ուտում են: