Porsche-ն հետ է կանչում նոր սերնդի բոլոր 911 GT3 սուպերքարերը

13:52 • 20.03.14

Մեքենաշինական Porsche ընկերությունը տեխնիկական խնդիրների պատճառով հետ է կանչում 911 GT3  սուպերքարի վաճառված բոլոր մոդելները, քանի որ դրանցից 2-ի շարժիչներն ընթացքի ժամանակ բռնկվել են։

 

Ինչպես նշում է Daily Mail-ը, ենթադրվում է, որ այդ տեխնիկական խոտանն առկա է նաև մոդելի մյուս մեքենաներում։ Ուստի 165.000 դոլար արժողությամբ մեքենաներում արտադրողը կփոխի շարժիչները՝ դրանք փոխարինելով նոր նմուշներով։

 

Հաղորդվում է, որ հեղինակավոր բրենդի համար տեխնիկական խոտանի շտկումը կարժենա մի քանի մլն դոլար։