«Խելացի» պատառաքաղը յուրահատուկ բույր է հաղորդում սննդին (լուսանկարներ)
Հաճախ է պատահում, երբ ինչ-որ կերակուր պատրաստելուց հետո պարզվում է, որ բաղադրիչներից որևէ մեկը մոռացել եք։ Այժմ այս իրավիճակի լուծման համար հիանալի միջոց է ստեղծվել, որը դուր կգա մոռացկոտ խոհարարներին ու տանտիրուհիներին։

Ինչպես նշում է Daily Mail-ը, նորաստեղծ պատառաքաղները կարողանում են արձակել այն բաղադրիչի բույրը, որը բացակայում է սննդի մեջ։ Aromafork նորույթի ստեղծողները կանադացիներն են, ովքեր պատառաքաղը «զինել են» 21 տեսակի, այդ թվում՝ շոկոլադի, սուրճի, բանանի, վանիլի, ելակի, արևադարձային մրգերի, անանուխի ու նուշի բույրերով։

Պատառաքաղը գործում է հետևյալ կերպ. հարկավոր է հեղուկացված բույրի կապսուլը բացել ու մի քանի կաթիլ լցնել պատառաքաղի մեջտեղի հատվածում եղած անցքի մեջ։ Իսկ երբ մարդը սկսում է օգտագործել պատառաքաղը, բույրն աստիճանաբար սկսում է տարածվել։














