Հնդկաստանը միջուկային լիցք կրելու հնարավորությամբ հրթիռ է փորձարկել

Հնդիկ զինվորականներն ուրբաթ բարեհաջող փորձարկել են Prithvi II հրթիռը, որն ունակ է միջուկային լիցք տեղափոխել, հայտնում է Time of India-ն:

Ըստ փորձարկող խմբի ղեկավարի՝ հրթիռի արձակումը հոյակապ է անցել, առաքելության բոլոր նպատակներն իրագործվել են:

Արձակումն իրականացվել է երկրի արևելյան Օրիսա նահանգի Չանդիպուր բազայից:

Prithvi II հրթիռն ունակ է մինչև 350 կմ հեռավորություն հաղթահարել, բարձրանալ 43,5 կմ և տեղափոխել 500 կիլոգրամանոց լիցք: