ՆԱՍԱ-ի LADEE արբանյակն այս ամիս կբախվի Լուսնին (լուսանկարներ)

11:36 • 07.04.14

ԱՄՆ-ի ազգային օդատիեզերական գործակալության՝ ՆԱՍԱ-ի LADEE արբանյակն ապրիլի 21-ին պատրաստվում է «մահացու» բախվել Երկրի բնական արբանյակի մակերևույթին։

Ինչպես նշում է Daily Mail-ը՝ ՆԱՍԱ-ի տարածած հաղորդագրությանը հղումով, խոհանոցային պահարանի մեծությամբ տիեզերական սարքը 1.600 մ/վ արագությամբ կհարվածի Լուսնի այն հատվածին, որը տեսանելի չէ Երկիր մոլորակից։

Ներկայում արբանյակը Լուսնի մակերևույթից գտնվում է 1.5-3 կմ բարձրության վրա՝ կատարելով բախման համար անհրաժեշտ չափումներ։ ՆԱՍԱ-ի մասնագետներն այն օգտագործում էին Լուսնի մթնոլորտի ուսումնասիրության համար։