Հյուսիսային Կորեայում նոր սմարթֆոն են թողարկել

Հյուսիսային Կորեայում թողարկել են նոր Pyongyang սմարթֆոն, որը ստացել է Pyongyang Touch անվանումը, գրում է Газета-ն՝ հղում անելով հյուսիսկորեական Choson Sinbo պարբերականին։

Նշվում է, որ սարքի գնորդների մեծամասնությունը երիտասարդներն են։ Սմարթֆոնը հաճախ ընտրում են ուսանողները և պաշտոնյաները, քանի որ Pyongyang Touch-ում տեղադրված են օտար լեզուների բառարաններ, սակայն չի նշվում, թե հատկապես որ լեզուներով են դրանք։

«Հյուսիսային Կորեայի գրեթե բոլոր քաղաքացիներն ինտերնետի հասանելիություն չունեն ոչ համակարգիչների, ոչ բջջային հեռախոսների միջոցով»,- նշում է պարբերականը։

Pyongyang Touch-ը կթողարկվի վարդագույն, կապույտ և սպիտակ գույներով։