Ferrari-ն իր առաջին շքեղ հյուրանոցը կկառուցի Բարսելոնայում (լուսանկարներ)

Ferrari ավտոմոբիլային ընկերությունը ներկայացրել է Բարսելոնայում իր առաջին շքեղ հյուրանոցի և երկրորդ թեմատիկ այգու կառուցման պլանները, գրում է businessinsider.com-ը։

Ընկերությունում նշել են, որ հյուրանոցը կունենա մեծ լողավազան, 250 սենյակ, տարբեր խոհանոցների ուտեստներ առաջարկող ռեստորան։ «Ferrari Land»-ը բոլոր տարիքի այցելուներին կառաջարկի նաև զվարճալի ատրակցիոններ։

Առաջին թեմատիկ այգին՝ Ferrari World-ը, բացվել է Աբու Դաբիում 2010-ին և համարվում է աշխարհի ամենամեծ փակ զվարճանքի կենտրոնը։

Հյուրանոցի և այգու բացումը նախատեսված է 2016-ին։