Աշխարհի ամենալավ պահպանված Լյուբա մամոնտը կցուցադրվի Լոնդոնում (լուսանկարներ)

Փոքրիկ մամոնտի մարմինը, որը համարվում է առայսօր հայտնաբերված նմուշներից ամենալավ պահպանվածը, եկող ամիս ցուցադրության է հանվելու Մեծ Բրիտանիայի Բնության պատմության թանգարանում։

Ինչպես նշում է The Daily Mail-ը, մամոնտի ձագուկը, որը հայտնաբերվել է 2007թ.՝ Սիբիրում, կլինի լոնդոնյան թանգարանի ցուցադրության կենտրոնական նմուշը, որը տեսնելու հնարավորություն մարդիկ կունենան 3 ամիս շարունակ։ Աղբյուրը մանրամասնում է, որ Լյուբա անունով մամոնտն առաջին անգամ է ցուցադրվելու Արևմտյան Եվրոպայում։

Մասնագետներևը ենթադրում են, որ շնից մի քիչ մեծ կենդանին սատկել է 42.000 տարի առաջ՝ 1 ամսական հասակում։
Մինչ 2007թ. այն պահված է եղել սառույցի մեջ, ինչի շնորհիվ էլ հիանալիորեն պահպանվել է։