Անցյալ տարվա այս ժամանակաշրջանի համեմատ սուր շնչառական վարակներով դիմելիությունը կտրուկ նվազել է.ԱՆ

22:55 • 17.04.14

Հայաստանի Հանրապետությունում դիտվում է առաջնային բժշկական կազմակերպություններ սուր շնչառական վարակներով դիմելիության կտրուկ նվազում` համեմատած նախորդ տարվա միևնույն ժամանակահատվածի հետ և որոշակիորեն նվազել է 0-2 տարեկան երեխաների դիմելիությունը։

 

Ըստ առողջապահության նախարարության կայքի՝ ներկայում ծանր սուր շնչառական վարակների և թոքաբորբերի բարդացած կլինիկական ընթացքով հիվանդներ չկան, հոսպիտալացված հիվանդները միջին ծանրության են, որոնք ստանում են համապատասխան բուժում:

 


Համաձայն իրականացված լաբորատոր հետազոտությունների արդյունքների՝ հանրապետությունում, հատկապես՝ մանկական հասակի քանակակազմում, դեռևս շրջանառում են շնչառական այլ վարակների վիրուսները` ադենովիրուսներ, ռեսպիրատոր սինտիցիալ վիրուսներ, մետապնևմովիրուսներ:

 

Նախորդ տարվա նույն ժամանակահատվածի համեմատ նվազել են սուր շնչառական վարակներով և թոքաբորբերով պայմանավորված շտապբուժօգնության կանչերը:


Ելնելով վերը նշվածից և գրիպի ու դրա բարդություններից խուսափելու նպատակով` ՀՀ առողջապահության նախարարությանը կրկին հիշեցնում է.


• խուսափե´ք հիվանդների հետ շփումից,
• եթե հիվանդ եք, ապա մնացե´ք տանը,
• եթե հիվանդ եք, հրավիրեք տեղամասային մանկաբույժին, թերապևտին կամ ընտանեկան բժշկին, մի´ զբաղվեք ինքնաբուժմամբ,


• հագնվե´ք եղանակին համապատասխան,
• պահպանե´ք հազի և փռշտալու վարվերակարգը,
• օգտագործե´ք հնարավորինս շատ հեղուկներ,
• հաճախակի օդափոխե´ք փակ տարածքները:

 

Վերջին շաբաթների ընթացքում Առողջապահության համաշխարհային կազմակերպության տվյլաներով՝ եվրոպական տարածաշրջանի երկրներում գրիպի ակտիվությունը կտրուկ նվազել է, և կազմակերպության տվյալներով եվրոպական տարածաշրջանում ներկայումս շրջանառում են գրիպի Ա տեսակի H1N1 պանդեմիկ և Ա H3N2 ենթատեսակները: Ընթացիկ սեզոնում նախորդ սեզոնի միևնույն ժամանակահատվածի համեմատ նկատելի նվազել է գրիպի Բ տեսակի հարուցիչների հայտնաբերումը:


Նմանատիպ իրավիճակ է դիտվում նաև տարածաշրջանի երկրներում՝ Ռուսաստանի Դաշնությունում, Վրաստանում, Ադրբեջանում, Թուրքիայում: