Հնդիկ տղամարդու ստամոքսից ոսկու 12 ձուլակտոր է հեռացվել
Հնդկաստանի մայրաքաղաքում բժիշկները ոսկու 12 ձուլակտոր են հեռացրել մի գործարարի ստամոքսից, հայտնում է BBC-ն։
63-ամյա տղամարդը հիվանդանոց էր տեղափոխվել փսխոցից և կարիքը հոգալու դժվարությունների պատճառով: Նա ասել էր, թե շշի խցան է կուլ տվել կնոջ հետ վիճելուց հետո:
Սակայն վիրահատելուց հետո բժիշկները նրա ստամոքսում ոսկու ձուլակտորներ էին հայտնաբերել՝ ընդհանուր 400գ քաշով։
Ոսկին առգրավվել է, տղամարդը՝ հարցաքննվել:
Հնդկաստանն աշխարհում ոսկու խոշորագույն սպառողն է։ Այնտեղ նաև ռեկորդային ծավալով ոսկու մաքսանենգ փոխադրում է իրականացվում:










