Google-ը Street View-ն համալրել է «ժամանակի մեքենա» գործառույթով

Ամերիկյան Google տեխնոլոգիական ընկերության Street View հավելվածը համալրվել է «ժամանակի մեքենա» գործառույթով, որը հնարավորություն է տալիս օգտատերերին հետ գնալ ժամանակի մեջ ու տեսնել, թե քաղաքներն ինչպես են փոխվել 2007թ. ի վեր։

Ինչպես նշում է The Guardian-ը, օրինակ՝ ստորև ներկայացված լուսանկարում պատկերված է Վաշինգտոնի Հովարդ թատրոնը։ Ձախ կողմում ներկայացված է դրա տեսքը 2009թ. հուլիսին, իսկ մյուս կողմում՝ վերանորոգումից հետո՝ 2012թ. մայիսին։

Նոր գործառույթի միջոցով օգտատերերը կկարողանան համեմատել քաղաքների, ճանապարհների, շինությունների ու բնապատկերների կրած փոփոխությունը տարիների ընթացքում։

Գործառույթից օգտվելու համար անհրաժեշտ է սեղմել Street View-ի էկրանի անկյունում ժամացույցի տեսքով նորահայտ պատկերի վրա ու հետևել դրա առաջարկած ցուցումներին։