Վրաստանում փոթորկի հետևանքով հարյուրավոր տների տանիքներ են պոկվել

13:37 • 26.04.14

Վրաստանի հարավ-արևմտյան և արևելյան մի շարք շրջաններում ապրիլի 26-ին տեղի ունեցած փոթորկի հետևանքով հարյուրավոր տների և շենքերի տանիքներ են պոկվել, վնասվել են էլեկտրահաղորդման գծեր, տեղեկացնում է ИТАР-ТАСС գործակալությունը։

 

Մասնագետները փորձում են վերականգնել էներգամատակարարումը։

Փոթորկի և ուժգին անձրևների պատճառով ջրով են ծածկվել մի քանի հազար հեկտար ցանքատարածքներ։

 

Վրաստանի արևելքում մի քանի հարյուր խոշոր եղջերավոր անասուններ և թռչուններ են սատկել։ Վնասվել են հետիոտների համար նախատեսված կամուրջներ։


Տեղի իշխանությունները հաղորդել են, որ տուժածներին օգնություն կտրամադրվի։