Սանկտ-Պետերբուրգ-Անտալիա չվերթի հարբած ուղևորը ծեծել է ուղեկցորդներին

13:00 • 01.05.14

Սանկտ-Պետերբուրգ - Անտալիա չվերթի ուղևորը ծեծկռտուքի պատճառ է դարձել, հայտնում է Interfax-ը: 

Ռուսաստանցի երիտասարդ ուղևորը, որը գտնվել է անսթափ վիճակում, ծեծի է ենթարկել երեք ուղեկցորդների, այդ թվում՝ մեկ կնոջ: Նրանք լուրջ վնասվածքներ են ստացել և այժմ բուժօգնություն են ստանում:

1985 թ. ծնված տղամարդը սկսել է նեղացնել կողքին նստած ուղևորներին և զանգվածային ծեծկռտուքի պատճառ է դարձել:

Անհանգիստ ուղևորին ձերբակալել է արդեն թուրքական ոստիկանությունը: