Ուկրաինացիները Շոտլանդիայի վարչապետից պահանջել են ներողություն խնդրել Պուտինի հանդեպ համակրանքի համար
Շոտլանդիայի վարչապետ Ալեքս Սելմոնդը ուկրաինական համայնքի քննադատությանն է արժանացել Ռուսաստանի նախագահ Վլադիմիր Պուտինի գործունեության վերաբերյալ իր հիացմունքն արտահայտելու համար: Այս մասին հաղորդում է Лента.ru-ն՝ հղում կատարելով The Guardian-ին:
Ապրիլի 29-ին «GQ» ամսագրին տված հարցազրույցում Սելմոնդը հայտարարել էր, որ Պուտինին հաջողվել է վերականգնել Ռուսաստանի ազգային հպարտության զգացողությունը:
Նա նաև ավելացրել է, որ հասկանում է, թե ինչու է Պուտինը վայելում ազգաբնակչության աջակցությունը: Վարչապետը նույն հարցազրույցում իր դժգոհությունն է հայտնել Ուկրաինայի հանդեպ ՌԴ դիրքորոշման վերաբերյալ:
Պահպանողական, Լիբերալ և Լիբերալ դեմոկրատական կուսակցությունների ներկայացուցիչները բաց նամակ են ուղարկել վարչապետին, որտեղ վերջինիս խոսքը որակվել է որպես «սխալ հաշվարկ»: Ինքը՝ վարչապետը, վստահ է, որ ոչ մի դատապարտելի բան չի ասել:










