Իտալիայում կատաղի պտտահողմն անցնում է գրասենյակային շենքի միջով՝ ճանապարհին ավերելով ամենը (տեսանյութ)
Այս սարսափելի կադրերը ցույց են տալիս այն պահը, երբ պտտահողմն անցնում է Իտալիայում գտնվող գրասենյակային շենքի միջով՝ ճանապարհին ավերելով ամենը, գրում է Mirror-ը:
Փոթորիկն ավերածություններ է առաջացրել ապրիլի 30-ին Մոդենայի և Սան Չեզարիոյի միջև ընկած տարածքում։
Աշխատողները նկարահանել են այն պահը, երբ պտտահողմը մոտենում է Մոդենայի Նոնանտոլայում գտնվող շենքին՝ իր հետ բերելով մեծ թվով տարբեր բեկորներ:
Գրասենյակի աշխատողները ստիպված են թաքնվել սեղանների տակ, մինչ պտտահողմը պտտվում է շենքի մոտով:
Հաղորդվում է, որ պտտահողմի հետևանքով վնասվել են գյուղատնտեսական պահեստներ և արդյունաբերական շենքեր:
Մի քանի տներ նաև տարհանվել են փոթորկի ժամանակ։
Տեսանյութը դիտել այստեղ։










