Սիրիայում 24 մարդ է գրանցվել՝ որպես երկրի նախագահի թեկնածու
Սիրիայում ավարտվել է երկրի պաշտոնին հավակնող անձանց գրանցումը, հայտնում է «Էխո Մոսկվին»: Նախօրեին երկրի նախագահ դառնալու ցանկություն էր հայտնել ևս 7 մարդ, և այժմ թեկնածուների թիվը 24 է։
Թեկնածուների թվում է նաև գործող նախագահ Բաշար ալ Ասադը: Առաջիկա 5 օրերին Սիրիայի խորհրդարանը կավարտի հայտերի ստուգումը՝ պարզելու՝ արդյոք դրանք համապատասխանում են պահանջներին: Վերջնական ցուցակը կհրապարակվի ամենաուշը երեքշաբթի օրը։
Հաջորդ շաբաթվա կեսին պաշտոնապես կմեկնարկի նախընտրական քարոզարշավը։
Սիրիայի պատմության մեջ առաջին անգամ ընտրություններին միանգամից մի քանի թեկնածու է մասնակցելու: Մինչ այդ նախագահի ընտրությունն ավելի շատ նման էր իշխող կուսակցության միակ թեկնածուին վստահության քվե հայտնելուն։
Սիրիայի նախագահի ընտրությունները նշանակված են հունիսի 3-ին: Բաշար ալ Ասադը երկրի նախագահն է 14 տարի:










