iPhone-ի համար նոր ունիվերսալ պատյան է նախագծվել (լուսանկարներ)

iPhone-ի համար նոր պատյան է նախագծվել, որի շնորհիվ սմարթֆոնն անջրանցիկ կդառնա, և կարող է պաշտպանվել անգամ կոտրվելուց:

Ինչպես գրում է Rbc.ru-ն` շատերի կողմից նախընտրելի iPhone 5S-ը մի թերություն ունի. ջուրն ընկնելուն պես այն վերածվում է անօգուտ իրի:

[BRIC+]xtreme գեղեցիկ տեսք ունեցող պատյանն ի զորու է վերացնել այդ թերությունը: Ինչպես նշում է աղբյուրը` այդ «պաշտպանությամբ» այժմ հնարավոր է անգամ լողալ և հեռախոսով նկարահանել ստորջրյա աշխարհը:

Բացի այդ, նորաոճ պատյանը կարող է հեռախոսը պաշտպանել ընկնելիս: Պատյանը պատրաստված է ամուր ալյումինից և կլանում է հարվածից ստացվող էներգիան, ինչը պաշտպանում հեռախոսը կոտրվելուց:

Պատյանի առավելություններից մեկն էլ այն է, որ այն հսկայական չէ և չի փոխում հեռախոսի տեսքը: Այժմ այն պատրաստելու համար միջոցներ են հավաքագրվում Kickstarter կայքում:

Նոր պատյանը կարժենա 75 դոլար: