Հունաստանը ցանկանում է առանց վիզայի ռեժիմ սահմանել Թուրքիայի հետ
Հունաստանի արտգործնախարարության մամուլի խոսնակ Կոստանդինոս Կուտրասը տեղեկացրել է, որ իրենք աջակցում են Թուրքիայի՝ Եվրոպական միությանն անդամակցությանը և սկսում են «առանց վիզայի ռեժիմ» սահմանելու գործընթացը։
Ինչպես տեղեկացնում է թուրքական Sabah օրաթերթի կայքը, խոսնակը նշել է, որ անցագրային ռեժիմի արգելքի հաղթահարումը տեղի կունենա մոտ ապագայում և կնպաստի տնտեսական և զբոսաշրջային զարգացմանն ու երկկողմ հարաբերություններին։
Նա նշել է, որ Թուրքիան Հունաստանի համար ռազմավարական նշանակություն ունի, և Աթենքը հարևան երկրի հետ լավ հարաբերությունների հաստատման շրջանակներում աջակցում է ԵՄ-ին անդամակցելու Թուրքիայի ծրագրերին։










