Անտարկտիկայում հայտնաբերվել է թռչնագրիպի բոլորովին նոր տեսակ

Ավստրալացի գիտնականներն Անտարկտիկայում բնակվող Ադելի պինգվինների շրջանում հայտնաբերել են թռչնագրիպի նոր, անսովոր տեսակ, որի պատճառով, սակայն, պինգվինների մոտ հիվանդության նշաններ չեն նկատվում։

Ինչպես նշում է Al Arabiya-ն, ավստրալացի հետազոտողներն ասել են, որ իրենց անչափ մտահոգում է այն փաստը, որ վարակը կարողացել է հասնել «սառցե թագավորություն» ու տարածվել պինգվինների շրջանում։

Հետագա ուսումնասիրությունները թույլ են տվել պարզել, որ պինգվինների օրգանիզմն արտադրում է այնպիսի հակամարմիններ, որոնց շնորհիվ թռչունները հիվանդության նշաններ չեն ցուցաբերում։