Դոնեցկում ահաբեկիչները զենք են բաժանում, երկու սպայի են առևանգել. Դմիտրի Տիմչուկ

23:47 • 06.05.14

Դոնեցկի գործադիր կոմիտեներից մեկում անհայտ անձինք զենք են բաժանում նրանց, ովքեր կարող են մասնակցել զինված սադրանքների:


Ինչպես հաղորդում է Корреспондент-ը՝ այս մասին հայտնել է Ուկրաինայի ռազմաքաղաքական հետազոտությունների կենտրոնի ղեկավար, Տեղեկատվական դիմադրության խմբի համակարգող Դմիտրի Տիմչուկը:


«Տեղեկատվական դիմադրության խմբի օպերատիվ տվյալներով՝ Դոնեցկի գործադիր կոմիտեներից մեկում ահաբեկիչները զենք են բաժանում նրանց, ովքեր ցանկություն են հայտնում մասնակցել զինված սադրանքներին», - ֆեյսբուքյան իր էջում գրել է Տիմչուկը:


Միաժամանակ՝ հաղորդվում է, որ Դոնեցկի շրջանում ահաբեկիչները առևանգել են տեղի զինվորական կոմիսարիատի 2 սպայի: Նրանց ազատման դիմաց ահաբեկիչները 300 հրացան են պահանջում:

 

Ինչպես հաղորդում են տեղի ԶԼՄ-ները՝ Մարիուպոլի օդանավակայանի մոտակայքում՝ ռազմական բազայում, կրակոցներ են հնչել և անիվներ են այրվում: