Վրաստանի պաշտպանության նախկին նախարարին 5 միլիոն եվրո յուրացնելու մեղադրանք է ներկայացվել

17:57 • 07.05.14

Ֆրանսիայում գտնվող Վրաստանի պաշտպանության նախկին նախարար Դավիդ Կեզերաշիվիլիին 5 միլիոն եվրո յուրացնելու մեղադրանք է ներկայացվել, գրում է interfax.ru-ն:


Վրաստանի օրենսդրության համաձայն՝ նրան սպառնում է 7-ից 11 տարի ազատազրկում։


Ծառայողական դիրքի օգտագործմամբ առավել խոշոր չափերի միջոցների յուրացման համար մեղադրվում է նաև Վրաստանի պաշտպանության նախարարության պետական գնումների բաժնի նախկին ղեկավար Ալեքսանդր Նինուան:

 

Քննությունը պարզել է, որ 2008 թվականի հունվարի 10-ին Կեզերաշվիլին հրաման է տվել պայմանագիր կնքել Վիրջինյան կղզիների օֆշորային տարածքում գրանցված ընկերության հետ, Նինուան Վրաստանի պաշտպանության նախարարության անունից 5.685.000 եվրո արժողության պայմանագիր է կնքել։

 

Կեզերաշվիլիին մեղադրանքն առաջադրվել է հեռակա կարգով, նրա նկատմամբ Ինտերպոլով հետախուզում է հայտարարված: