ԱՄՆ-ում առաջին դասարանցին դպրոց է տարել տատիկի հերոինը
ԱՄՆ-ի Փենսիլվանիա նահանգում ձերբակալվել է ոմն Փաուլին Բիլինսկի Մունյոն, ում 7-ամյա թոռը պատահմամբ դպրոց է տարել տատուն պատկանող հերոինը։
Ինչպես հայտնում է Лента-ն, 56-ամյա կինն իր թմրանյութը կորցրել էր տանը՝ այն մոռանալով լվացքի մեքենայի մոտ, իսկ երեխան այն պատահմամբ գտել ու հետաքրքրվել է դրանով։
Արդյունքում դպրոցի ուսուցիչներից մեկն առաջին դասարանցու գրպաններում հայտնաբերել է հերոինի 9 տուփ։ Երեխան պատմել է, որ գտել է դրանք տանը։
Ներկայում նրա տատիկը մեղադրվում է երեխայի առողջությունը վտանգելու և թմրանյութեր պահելու համար։










